Semaken Viedo ing link iki!
https://youtu.be/VCja1K_mW3c?list=TLPQMjAwNzIwMjB5n9cDxJHPnA
Wacanane kanthi patitis!
Museum Wayang Kekayon
Bawa :
“Benjang Minggu estu dhateng Museum Wayang Kekayon ta, Pak?”
Bapak : “Sida, supaya kowe bisa ngangsu
kawruh.”
Bawa : “Museum Wayang Kekayon menika
papanipun wonten pundi, Pak?”
Bapak : “Museum Wayang Kekayon iku papane
ana ing Jalan Jogja-Wonosari Km. 7, Banguntapan Bantul.”
Bawa : “Inggih Pak, kula ngertos.
Papanipun wonten saler margi.”
Bapak : “ Bener. Lha gene kowe wis ngerti?”
Bawa : “Namung liwat. Nalika sekolah darmawisata
dhateng Pante Baron.”
Bapak : “Wo lha ya bener. Menyang Pante
Baron kuwi yen saka Bantul liwat Jalan Jogja-Wonosari.”
Bawa : “Sinten ingkang mbangun Museum
Wayang Kekayon menika, Pak?”
Bapak : “Museum Wayang Kekayon dibangun
dening almarhum Prof. KPH. Soejono Prawirohadikusumo, guru besar UGM.”
Bawa : “Kapan anggenipun mbangun, Pak?”
Bapak : “Dibangun nalika tahun 1991.
Diremekake dening KGPAA Paku Alam VIII.”
Bawa : “Koleksinipun menapa kemawon, Pak?”
Bapak : “Koleksine sawernane wayang. Ana
wayang purwa, wayang madya, wayang gedhog, wayang klithik, wayang dupara,
wayang diponegaran, wayang krucil, wayang golek, patung wayang wong, sandhangan
wayang wong, lan liya-liyane.”
Bawa : “Lajeng bikakipun jam pinten,
Pak?”
Bapak : “Yen durung ana owah-owahan
Museum Wayang Kekayon iku bukak saben dina Senen tekan Setu. Senen tekan
Jemuwah bukak jam setengah sanga tekan jam loro awan. Yen dina Setu mung tekan
jam rolas.
Bawa :
“Dinten Minggu tutup nggih, Pak?”
Bapak :
“Iya. Kejaba yen pesen.”
Bawa :
“Inggih Pak, matur nuwun!”
Ana
ing wacan kasebut tinemu tembung ngangsu kawruh. Tembung ngangsu kawruh iku
salah sawijining conto tembung entar. Tembung entar yaiku tembung sing tegese
ora padha karo teges satenane. Ngangsu kawruh ora teges ngungahake kawruh saka
sumur. Ngangsu kawruh tegese golek ngelmu. Conto liyane umpamane abang kupinge.
Abang kupinge ora teges kupinge abang. Abang kupinge tengese nesu banget.
Rembugen karo kancane tegese
tembung entar liwat media komunikasi!
Golekana uga nganggo sumber
saka buku pepak basa Jawa, lan sumber liyane!
1. Anggone ngajak dolan mung kanggo abang-abang lambe.
..........................................................................................................................................
2. Sing jaga museum kae pancen alus tembunge.
..........................................................................................................................................
3. Aja cilik
ati, kowe mesthi dijak menyang museum.
..........................................................................................................................................
4. Melu menyang museum ya oleh, nanging ing
kana aja dadi gawe.
..........................................................................................................................................
5. Ana ing museum akeh barang pengaji, aja dawa tangane.
..........................................................................................................................................
6. Bu guru ngangti entek atine, nggoleki Bagas ora ketemu-ketemu.
..........................................................................................................................................
7. Niken kae dadi kembang lambe ing sekolahane.
..........................................................................................................................................
8. Aja dadi bocah sing lunyu ilate, mundhak disengiti kancane.
..........................................................................................................................................
9. Saiki kowe wis klas enem, aja mogol sinaune.
..........................................................................................................................................
10. Yen wis niyat sekolah ya aja medhot dalan.
..........................................................................................................................................
Gawe Ukara Pitakon
Gatekna tuladha iki!
Tuladha:
Menapa
Menapa panjenengan sampun nate tindak Museum
Ulen Sentalu?
Gawea ukara pitakon kaya tuladha kasebut!
1. Sinten
...........................................................................................................................................
2. Pinten
...........................................................................................................................................
3. Pundi
...........................................................................................................................................
4. Benjang menapa
...........................................................................................................................................
5. Menapa sebabipun
...........................................................................................................................................
No comments:
Post a Comment